مجموعللمدرسين
مجموع للمدرسين

الواجب بيتصحح لوحده.وانت عارف مين ذاكر، ومين واقع في إيه.

مساحة ببلاش لمدرسين الثانوية العامة: ادّي واجب من بنك فيه أكتر من 20 ألف سؤال بالشرح، اطبع ورق أسئلة باسمك، واعرض الأسئلة قدام طلابك في الحصة.

ببلاش للمدرس · من غير تطبيق · شغالة من الموبايل واللابتوب

مثال
واجب معدل التفاعل الكيميائيالكيمياء · 20 سؤال · آخر يوم الخميس
شغال
63 خلّصوه من 143 طالب66% من إجابات اللي وافقوا صح
خلّصوه من اللي وافقوا (41): يوسف أحمد، مريم خالد، عمر محمود، وكمان 38 طالب
الخلايا الإلكتروليتيةأضعف درس في آخر 30 يوم
48%صح

في المساحة إيه؟

ستة حاجات بتشيل عنك شغل، وكلها شغالة من أول يوم.

1

واجب بيتصحح لوحده

اختار الدرس وآخر يوم، وابعت اللينك على الجروب. بنصحّح ونقولك كام واحد خلّص، وبالاسم للي وافق يشاركك مستواه.

2

وضع الحصة

اعرض أسئلة الدرس على الشاشة سؤال سؤال، وبعدها الإجابة والشرح. من الموبايل أو اللابتوب.

3

ورق أسئلة باسمك

ورقة جاهزة للطباعة في دقيقة: اسمك فوق، الأسئلة بالرسومات، ونموذج الإجابة في صفحة لوحده.

4

تقرير عن طلابك

مستواهم في كل درس، والأسئلة اللي أغلبهم غلط فيها، عشان تعرف تعيد شرح إيه. من إجابات الطلاب اللي وافقوا يشاركوك مستواهم.

5

لوحة الشرف

أكتر طلابك حل كل أسبوع، وصورة جاهزة تنزّلها على الجروب. الاسم بيظهر للطالب اللي يوافق بس.

6

لينك وبوستر باسمك

لينك وكود ليك، وبوستر فيه QR تعلّقه في السنتر. كل طالب يدخل منهم بيتحسب عندك.

بتبدأ إزاي؟

كلّمنا

ابعت اسمك ومادتك من الفورم اللي تحت. بنعملك مساحتك وكودك وبنبعتلك اللينك.

ابعت لينكك لطلابك

على الجروب أو من البوستر. الطالب يعمل حساب في دقيقة ويبدأ يحل.

ادّي أول واجب

وتابع من مساحتك: كام واحد حل، مستواهم في الدرس، وإيه محتاج يتشرح تاني.

طلابك، وانت

طلابك بياخدوا إيه؟

  • أكتر من 20 ألف سؤال من كتب الوزارة، متقسمة بدروس الكتاب، وكل سؤال معاه شرحه.
  • نماذج الوزارة الاسترشادية محلولة ومشروحة.
  • أول 10 أسئلة في كل مادة ببلاش، ونموذج وزارة كامل بحساب مجاني.
  • خصم على الاشتراك لما يدخلوا من لينكك.

وانت؟

  • المساحة وكل أدواتها ببلاش.
  • حساب بريميوم ليك، تحضّر منه حصصك وتجرّب اللي طلابك بيشوفوه.
  • نصيب من اشتراك كل طالب ييجي من لينكك، بيتحوّلك كل أسبوع.
  • التفاصيل بنتفق عليها مع بعض على واتساب.

أسئلة بتتسأل

المساحة بفلوس؟

لا. المساحة وكل أدواتها ببلاش للمدرس.

لازم طلابي يشتركوا عشان يحلّوا؟

لا. أي طالب بيحل أول 10 أسئلة في كل مادة ببلاش، وبحساب مجاني يمتحن نموذج وزارة كامل ويشوف درجته والشرح. الاشتراك بيفتحله كل الأسئلة في كل الدروس.

هشوف أسماء طلابي ومستواهم؟

اللي يوافق بس. كل طالب بنسأله مرة جوه حسابه: تحب مدرّسك يشوف اسمك ومستواك؟ اللي يوافق بيظهرلك باسمه وأرقامه، وإجاباته هي اللي بيتبني عليها التقرير: نسبة الصح، ومستوى كل درس، والأسئلة اللي بتوقّعهم. الباقي بيتعدّوا بس: كام واحد ذاكر، وحلّوا كام سؤال، وكام واحد عمل الواجب، من غير أسماء ولا صح وغلط.

الأسئلة على المنهج الجديد؟

أيوه. الأسئلة متقسمة بدروس كتب الوزارة 2026/2027، ومعاها نماذج الوزارة الاسترشادية.

بدرّس لغات، ينفع؟

أيوه. الفيزياء والكيمياء والأحياء والرياضيات والإحصاء موجودين عربي ولغات.

عندي مساعدين في السنتر، يقدروا يفتحوها؟

أيوه. لينك مساحتك بيفتح على أكتر من جهاز. اللي معاه اللينك يقدر يعمل كل اللي انت بتعمله: يشوف الأرقام، ينشر ويمسح واجبات، ويغيّر بيانات التحويل. فابعته للي تثق فيه بس.

اطلب مساحتك

اكتب بياناتك، والزرار هيفتح واتساب برسالة جاهزة. بنرد عليك بلينك مساحتك وكودك.

عايز تشوف الأول؟ افتح المساحة التجريبية. أو كلّمنا على طول على واتساب: 01018139890